ASBH Bereich Hamburg e.V.

Gemeinsamkeit macht Mut




De schöönste Dag

Klingberg, in de Neegde vun Lübeck, an een koolt Winterdag in'n Dezember. Een Weekend-freetiet vun uns Rollstohl-Gruppe, allens Rolli-Fohrers. Een poor Frünnen un ik sünd na Lübek to'n historischen Wiehnochtsmoorkt fohrn um us dat Geburtshuus vun de Manns, dat Buddenbrook-Huus, antokieken.

Denn wulln wi us bi „Niederegger" to'n „Marzipan-Iis-Eten" dreepen. Doch as wi ut dat Huus kömen, wi hatt soon Drang, een still Örtchen optosöken..... Wi weet, dat opn Maakplatz een WC för Behinnerte wör. Dat wör unse Reddung. As Susanne, miene Betreuerin, mi nu na Erledigung vun mien „Geschäft" de Büx hochtrecken wull, passeert een Malöör: Frank , een vun mien Frünnen , kööm an den elektrischen Dööröppner, un : de Döör geit op. As soon Vorhang vör de Bühn in Theoter ! Just in düssen Momang, as mien blanken Mors leeg in Freen ! Un de Maakplatz vull von Minschen ! Alle Welt kunn mi so sehn...! Dat geef nu een luuten Krakeel und Gelächter un Susanne un ik loopen rot an. Wie dat Sprichwört: „Wer den Schaden het, spottet jeder Beschrievung...!"

Een veddel Stunne later güng dat endlich wieder to „Niederegger" . Dor ankomen, wi slappen erst een Punsch an een gegenöwerleegenden Stand . Op den gräsigen Schreck mit min blanken Moors !! Mit eenmol seegt een fründlichen Minsch: „Fröhe un vergnögte Adventstied un goode Wiehnacht" un geev jedeen vun unse Gruppe een lüttes Marzipan-Brot. Wi woorn total baff un wünscht em datsülve för Wiehnachten ! Und denn geef dat bi „Niederegger" den „Clou" : dat fiene „Marzipan-Iis" ! Een seutes End vun de „Exkurschon" na Lübeck !

Mittlerweile wör dat duster woorn un wi föhren torüch in unse Jugendherberge. Inne Kaminstuuv loopen de Vorberietungen för een kommodig Filmobend. De Klassiker „Die Feuerzangenbowle" mit Heinz Rühmann, jümmers wedder passlich to de koolst Johrtiet! Un denn erst de Bowle: dat mok Warms un hiev de Nück !

Een poor Stunnen later full ik mit Susannes Hülp möd in'n Puuch un schlööp selig in. In de Nacht pingel ik gegen 5.30 Uhr Susanne waak, um mit ehr dat stille Örtchen optosoken. Wi snacken noch een Beten öber de schöön Dag in Lübeck, mien „blanken Mors" , dat lecker Iis bi Niederegger un de „Feuerzangenbowle", un denn schlaat wi wedder bet ton'n „Brunch".

K.M.